Shirka Xukuumada Puntland oo looga hadlay Arrimaha Imtixaanka iyo Xajka
-
WARIYAHA GAROWE
- Posted On 16-05-2019, 05:36PM
GAROWE, Puntland - Madaxweyne Saciid Cabdullaahi Deni ayaa maanta oo Khamiis ah waxa uu gudoomiyey Shirka todobaadlaha ah ee Golaha Xukuumadda Dowladda Puntland.
Kulanka oo ay inta badan xubnaha Golaha ay kasoo qayb-galeen ayaa waxaa sidoo kale goobjoog ka ahaa, Axmed Cilmi Cismaan Karaash, Madaxweyne Ku-xigeenka.
Isu-imaatinka ayaa waxaa todobaadkan looga hadlay arrimo ay kamid yihiin; Amniga dalka, Imtixaanaadka Shahaadiga ah, Arrimaha Xajka iyo Warbixino Kale.
Intii uu socday kulanka ayaa waxaa sidoo kale warbixino looga dhageysatay wasaaradaha amniga, arrimaha gudaha, dekadaha, beeraha iyo degaanka oo howlaha u qabsoomay ka warbixiyey.
WAR-SAXAAFADEEDKA
GAROWE ONLINE
