Wafdi uu hogaaminayo Sheekh Shariif oo ka degay Garowe
-
Wariyaha Muqdisho GAROWE ONLINE
- Posted On 26-01-2019, 12:06PM
GAROWE, Puntland - Wafdi uu horkacayo Sheekh Shariif Sheekh Axmed, Madaxweynihii 7aad ee Somalia ayaa maanta ka degay magaaladda Garowe, ee caasimadda dowladda Puntland.
Madaxweynaha Puntland, mudane Saciid Cabdullaahi Deni iyo mas'uuliyiin kale ayaa wafdiga Sheekh Shariif kuso dhaweeyay Garoonka diyaaradaha magaaladda Garowe.
Sheekh Shariif waxaa Garowe kaga soo horeeyay Madaxweynihii xilka uga dambeeyay Xasan Sheekh iyo madaxda dowlad Goboleedyada, Koonfur Galbeed, HirShabeelle, Galmudug iyo Jubbaland oo ka qeybgalaya caleema-saarka Madaxweyne Deni.
Madaxweynaha dowladda Federaalka ah ee Somalia, Maxamed Cabdullaahi Faramaajo ayaa lagu wadaa in goordhaw uu soo gaaro magaalada Garowe, iyadoo diyaaradiisa ay kasoo duushay magaalada Muqdisho.
Xafladda Caleema-saarka Madaxweyne Saciid Cabdullaahi Deni oo lagu wado inay caawa dhacdo ayaa waxay kulminaysaa siyaasiyiin mucaarad ah iyo madaxda sare ee Villa Somalia, oo horey u sahlanayn inay ku kulmaan Muqdisho.
GAROWE ONLINE
