Wasiiro uu dhowaan magacaabay madaxweyne Deni oo la dhaariyey

GAROWE, Puntland - Madaxweynaha Dowladda Puntland Mudane Siciid Cabdullahi Deni ayaa maanta dhaariyey Wasiiro iyo ku xigeenka uu dhowaan Madaxweynuhu magacaabay.

Munaasabadda Dhaarinta ayaa ka dhacday Qasriga Madaxtooyada Dowladda Puntland ee Garoowe, halkaasi Wasiirada cusub uu dhaariyey Ku-simaha Guddoomiyaha Maxkamadda Sare Nuur Ciise Maxamed , iyadoo uu Madaxweynuhuna goobjoog ka ahaa dhaarta dastuuriga ah .

Xubnaha Golaha Wasiirada iyo Wasiir Ku-xigeenada cusub ee la dhaariyey:

1 Eng. Cabdullaahi Cali Xirsi (Timacade) Wasiirka Wasaaradda Warfaafinta, Isgaarsiinta iyo dalxiiska.

2 Eng. Maxamuud Xaaji Saalax Wasiirka Wasaaradda Kalluumeysiga iyo Khayraadka Badda.

3 Cabdi Ibraahim Warsame (Qawdhan) Wasiir ku-xigeenka Wasaaradda Maaliyadda .

4 Ismaaciil Saleebaan Geelle Wasiir ku-xigeenka Wasaaradda Amniga iyo DDR.

5 Axmed Siciid Ismaaciil (Qolombe) Wasiir ku-xigeenka Wasaaradda BIyaha, Tamarta iyo Macdanta.

6 Saynab Ismaaciil Maxamed Wasiir ku-xigeenka Wasaaradda Deegaanka, Beeraha iyo Isbadalka Cimiladda.

7 Cabdiqani Axmed Ismaaciil ( Deero Dile) Wasiir ku-xigeenka Wasaaradda Qorsheynta, Xiriirka Caalamiga ah iyo Horumarinta Dhaqaalaha.

Maalmaha soo aadan ayaa la filayaa in munaasabado kooban ay xilalka kula wareegaan wasiiradda la dhaariyey, iyaddoo la ilaalinayo xaaladaha caafimaad la xiriira safmarka Covid-19.

GAROWE ONLINE