Xildhibaanada Baarlmanka cusub ee Puntland oo lagu dhawaaqey [Magacyada]
-
Wariyaha Muqdisho GAROWE ONLINE
- Posted On 31-12-2018, 06:52PM
GAROWE, Puntland - Guddiga xalinta Khilaafaadka iyo ansixinta Gollaha Wakiiladda Puntland ayaa ku dhawaaqay caawa fiidkii liiska Xildhibaanada cusub ee Baarlamanka, xilli doorashada Madaxtinimada la filayo inay dhacdo 8-da January ee 2019.
Gudoomiyaha Guddiga ayaa sheegay in Xildhibaanada cusub ee Puntland ay isagu jiraan 49 cusub iyo 17 xubnood oo kamid aha Baarlamankii hore, kuwaasoo markale dib loo soo doortay.
Guddiga oo uu Cabdiweli Gaas magacaabay 3-dii bishan December ayaa mudda 27 maalmood ah ku mashquulsanaa xallinta kuraasta lagu muransanyahay ee xubnaha doonaya inay kamid noqdaan Baarlamanka.
Madaxweynihii hore ee Puntland, ahna Senator katirsan Aqalka Sare, mudane Cabdiraxmaan Faroole oo shalay Shir jaraa'id ku qabtey Garowe ayaa ugu baaqey Xildhibaanada cusub inay doortaan hogaan karti iyo aqoon leh oo ka saari kara Puntland dhibaatooyinka laga dhaxlay maamulka Gaas. [Halkan ka akhri warka].
GAROWE ONLINE
