Xildhibaanno katirsanaa Baarlaamanka PL oo xasaanadda laga qaadey

GAROWE, Puntland - Barlamanka Puntland Ayaan saakay xasaanadda ka qaadey 8 Xildhibaan, oo lagu eedeeyay jebinta xeer hoosaadka Anshaxa Gollaha Wakiiladda.

Kulanka oo ay soo xaadireen 39 mudane ayaa waxaa taageeray mooshinka xasaanad ka qaadista 35 kamid ah, waxaa diiday 3, halka hal Xildhibaan uu ka aamusay, wuxuuna gudoonka ku dhawaaqay in xubnahan aysan kamid ahayn wixii maanta ka dambeeyay Baarlamaanka.

Magacyada Xildhibaanada: 

1.Xildhinaan Cabdijamal Cismaan

2.Xildhibaan Cabdiqani surato

3.Xildhibaan Muuse Jajabsay

4.Xildhibaan Baduugaaye

5.Xildhibaan Maxamuud Maxamed Barre

6.Xildhibaan Saleeban Faarax.

7.Xildhibaan Cabdiraxman Dhoore

8.Xildhibaan Maxamud Axmed Caalim. 

Ka hor intii aan laga qaadin xubnahaan xasaanada waxaa fashilmay dadaalo ay wadeen guddiyo ka tirsan isla gudaha baarlamanka kuwaas oo xal u waayay eedeymaha loo haystay mudanayaashaan oo ay ka mid yihiin iska horkeeen gollaha dhexdiisa,abaabulka fawdooyin laga soo maleegay gacmo ka baxsan siyaasada dowladda Puntland. 

GAROWE ONLINE