Weerarkan oo dhacay saacadihii hore ee Jimcaha maanta ah ayaa waxaa lagu waramayaa in uu ka dhashay iska-hori-imaad toos ah oo dhexmaray labadda dhinac.

Laba ilo wareed oo mid ka tirsan yahay laamaha amniga oo u waramay idaacadda VOA-da ayaa shaaca ka dhigay in qaraxyo xiriir ah ay Al-Shabaab ku weerareen saldhigga.

Xubin ka tirsan maamulka degaanka ayaa xaqiijiyey inay Al-Shabaab galeen saldhigga ciidamada Uganda ee Buulo Mareer, iyada oo sidoo kale lagu arkay magaalada Buulo Mareer dhexdeeda.

Diyaarado ayaa la sheegay inay hawada magaalada sidoo kale lagu arkay kadib weerarka. Illaa haddana ma cadda khasaaraha weerarka. Balse, waxaa la xusay in labada daraf waxyeelo gaartey.

Al-Shabaab ayaa sheegtay inay saldhigga “cagta mariyeen,” sheegashadaas oo aan si madaxbannaan Loo xaqiijin karin xilligan isla markaana ma aysan soo bandhigin wax khasaaro ah.

Weerarada tooska ah ee Al-Shabaab ku qaado xerooyinka ciidamadda Soomaaliya iyo kuwa saaxiibada caalamiga ah ayaa dhowrkii bilood lasoo dhaafay ahaa kuwa sareeya lagana hortagin.

GAROWE ONLINE