Ciidamada amaanka oo burburiyay isbaarooyin la dhigtay duleedka Afgooye

MUQDISHO, Soomaaliya - Ciidamada Soomaaliya ayaa maanta howlgallo lagu xaqiijinayo amniga waxa ay ka sameeyeen Duleedka Magaalada Afgooye ee Gobolka Shabeellaha Hoose.

Ciidamada ayaa bartilmaameed u ahaa wadada isku xirta degmooyinka Afgooye iyo Wanlaweyn ee gobolkaasi oo halbowle u ah dhaqdhaqaaqa Bulshada ku dhaqan koonfurta dalka.

Weerarkan ayaa yimid kadib markii ay soo noqnoqdeen cabashooyinka dadka deegaanka ee ku aadan isbaarooyinka ay wadada dhigteen maleeshiyaatd hubeysan.

Saraakiisha ciidamada dowladda ayaa sheegay in ay ka takhalusi doonaan kooxaha dhaca u geysta dadka, isla markaana ay gacanta ku soo dhigi doonaan cid kasta oo dhibaato ku ah bulshada.

Waddada Afgooye - Wanlaweyn ayaa muhiim u ah ganacsatada badeecadahooda ka soo daabula Muqdisho ee taga Baydhabo, waxaana lagu tiriyaa inay tahay mid aan ammaankeedu aad u wanaagsanayn.

GAROWE ONLINE