Soomaaliya: Ciidamada Deegaanka oo weeraray degamada Ceeldheer

CEELDHEER, Soomaaliya - Ciidamada deegaanka ee ka howlgala gobolka Galgaduud ayaa ku guuleystay inay ka fuliyaan degmada Ceeldheer howgal ka dhan ah ururka ‘AS’.

Xoogaga hubaysan ee deegaanka oo haystay xog ay soo siiyeen Bulshada ku nool degmada Ceeldheer ayaa gacanta ku dhigay horjooge si weyn looga yaqaanay deegaanka kaas oo lagu Magacaabo “Cabaas Garoobshe”.

Sidoo kale Ciidanka deegaanka ayaa nafta dhaafiyey xubin ka tirsan ururka ‘AS’ oo magaciisa lagu soo gaabshay “Ilkacase”, waxayna la wareegeen gaari nuuca Leyla Calaawi oo ay adeegsanayeen “AS”.

Howlgalkaan guulaystay ayaa ka mid ah dhowr howlgal oo ciidanka deegaanka iyo kuwa xoogga dalka Soomaaliyeed ay ka sameeyeen deegaano hoostaga gobolka Galgaduud.

GAROWE ONLINE