DFS oo la wareegtay magaalada istiraatiijiga ah ee Camaara

CAMAARA, Soomaaliya - Ciidanka Qaranka oo kaashanaya kuwa deeganka ayaa ku guuleystay inay gabi ahaanba la wareegaan gacan ku haynta magaalada istiraatiijiga ah ee Camaara, sida ay dhawaan shaacisay Warbaahinta Dowladda.

Wasiir ku-xigeenka Wasaaradda Warfaafinta, Dhaqanka iyo Dalxiiska, Cabdiraxmaan Yuusuf Al- Cadaala oo ku sugan magaalada ayaa xaqiijiyay warkan.

Wasiir ku xigeenka ayaa sheegay in uu aad ugu faraxsan yahay howlgalkaasi sida uu sheegay. Waxa uuna sheegay muhiimadda ay guushani u leedahay xoojinta ballan-qaadka dawladda ee ku aaddan dib u xorreynta dalka.

Ciidamada isku dhafka ah ayaa ka awood roonaaday kooxda Al-shabaab oo maalmahan looga adkaaday dhamaan deegaanada hoos yimaada Magaalada Camaara, iyagoo soo afjaray wax kasta oo iska caabin ah oo ay AS kala kulmeen.

GAROWE ONLINE