Faahfaahin ku saabsan qarax ka dhacay degmada Deyniile

MUQDISHO, Soomaaliya - Maamulka degmada Dayniile ayaa faah faahin dheeraad ah ka bixiyay qarax gaari oo maanta barqadii ka dhacay dagmadaas.

Cali Cabdi Faarax Guddoomiye ku xigeenka dhanka amniga ee degmada Deyniile oo la hadlay warbaahinta ayaa daboolka ka qaaday in qaraxa uu ka dhacay bar koontarool ku yaalla degmada Dayniile.

Ciidamada xasilinta caasimadda ayaa la sheegay in ay si degdeg ah u soo farageliyeen oo ay ka hortageen qaraxan, kaas oo noqonaya kii labaad oo loo waday in lagu qarxiyo gudaha magaagalada Muqdisho ee fashiliyaan ciidamada ammaanka degmada Dayniile.

Sida uu sheegay Faarax, qaraxa waxaa ku dhaawacmay lix qof oo shan ka mid ah ay ahaayeen askar, halka qofka soo haray uu ahaa qof rayid ah.

GAROWE ONLINE