IGAD oo Waare u magacaawday Ku-Xigeenka Xoghayaha Guud ee ururka

Madaxweynihii hore ee Hirshabelle Waare ayaa dhawaan xil laga qaaday.

JABUUTI (GO) - Urur Gobolleedka IGAD ayaa u magacaabey Maxamed Cabdi Waare Ku-Xigeenka Xoghayaha Guud ee ururka, ka dib kulan ay Hogaamiyayaasha Urur Goboleedka IGAD maanta ku yeesheen magaalada Jabuuti.

Wasiirka Warfaafinta, Dhaqanka iyo Dalxiiska XFS Daa’uud Aweys Jaamac oo ka hadlay magacaabistan ayaa ku tilmaamay guul diblomaasiyadeed oo ay dowladda Soomaaliya ku tilaabsatay.

Wasiirka ayaa yiri: “Waa Guul kale oo diblomaasiyadeed oo u soo hoyatey dowladda Soomaaliya, magacaabistiisa ayaa waxay sare u qaadeysa sumcadda iyo maqaamka Soomaaliya ay ku leedahay gobolka iyo caalamka”

Madaxweynihii hore ee Hirshabelle Waare ayaa dhawaan laga qaaday xilka ergayga gaarka ah ee Madaxweynaha u qaabilsan Xasillinta iyo Ilaalinta Arrimaha Rayidka ee goobaha dagaallada.

GAROWE ONLINE