Maxkamada Racfaanka oo u fariisatay dhagaysiga dacwad Musuq-maasuq
-
GAROWE ONLINE XAFIISKA MUQDISHO
- Posted On 21-11-2023, 08:08AM
MUQDISHO, Soomaaliya - Maxkamada Racfaanka gobolka Banaadir ayaa saakay u fariisaneysa dhageysiga 2aad ee dacwad Musuq-maasuq ah oo loo heysto mas’uuliin ka tirsan Wasaaradda Maaliyadda iyo Bankiga dhaxe.
Guddoomiyaha Maxkamadda racfaanka gobolka Banaadir, Saciid Cali Maxamed ayaa sheegay in maanta ay maxkamaddu u fariisan doonto dacwadda saddex eedeysane, kuwaas oo 8-dii bishan racfaan ka qaatay dacwadda ka dhanka ah.
Guddoomiyaha ayaa ku celiyay codsi ku aaddanaa in uu wakiilka Xafiiska xeer-ilaaliyaha guud soo bandhigo dhammaan caddeymaha loo cuskan karo dacwadda ka dhanka eedeysanayaasha.
Dhagaysiga labaad ee ay Maxkamadda racfaanku ka yeelanayso eedeysanayaashan ayaa lagu wadaa in maanta lasoo gabagabeeyo.
GAROWE ONLINE
