Muqdisho: Haweeneey tooreey ku dishay laba ruux ka dib muran dhax maray

MUQDISHO, Soomaaliya - Waxaa duleedka magaalada Muqdisho gaar ahaan deegaanka Gubadley dhawaan ka dhacay dhacdo ay ka argagaxeen dhammaan dadka deegaanka.

Sida aan Wararka ku heleyno Anbiyo Maxamed Cali oo ah haweeney degan xaafada Buur Bishaaro ayaa la sheegay in ay tooreey ku dishay labo gabdhood oo lagu kala magacaabi jiray Nimco Saalax iyo Iqro Daahir.

Saddexda qof ayaa ku wada noolaa hal guri, waxaana sababay falkan muran soo kala dhex galay oo markii dambe ku dhamaaday geerida labadaas qof.

Ciidamada amaanka ee ku sugan deegaanka Gubadley oo falkaasi ka jawaabaya ayaa markiiba goobta soo gaaray, waxaanay gacanta ku dhigeen haweenayda la soo eedeeyay,

Dhacadadan ayaa dhaisay hadal heyn badan saacadihii la soo dhaafay, iyada oo baraha bulshada lagu faafiyay faallooyin ku saabsan.

GAROWE ONLINE