Qodobo laga soo saarey Shirkii maaliyadda ee Kismaayo
-
WARIYAHA KISMAAYO GAROWE ONLINE
- Posted On 21-12-2019, 06:24PM
KISMAAYO, Jubaland – Shirkii maaliyadda ee madaxweyne Axmed Madoobe uu maanta ka furay Kismaayo, caasimadda Jubaland, ayaa laga soo saarey qodobo.
Kulankaas ayaa waxaa ka qeybgalay Wasiiradda Maaliyadda dowladda federaalka ah ee Soomaaliya iyo maamul goboleedyadda xubinta ka ah.
Qodobadda diiradda lagu saarey is-araggaas ayaa waxay kala ahaayeen maareynta maaliyadda dadweynaha iyo hanaanka deyn cafinta.
Gunaanudka kulankaan ayaa waxaa laga soo saarey war-saxaafadeed ay ku cad yihiin saddex qodobo oo la sheegay in dhinacyadda ay soo jeediyeen.
Qodobadda ay isla meel-dhigeen ayaa kala ah;
-Kala saaridda awoodaha dakhli uruurinta
-Hanaanka qoondeynta dakhli uruurinta
-Xafiiska hanti dhowrka guud
Sikastaba, shirkaan ayaa muujiyey in dowladda federaalka "ku khasbanaatey" in ay la shaqeyso maamulka Axmed Madoobe kadib cadaadis Beesha Caalamka uga yimid.
HOOS KA AKHRISO QORAALKA
GAROWE ONLINE
