Soomaaliya oo dirtay safiirkeedi ugu horreeyay ee Eritrea

MUQDISHO, Soomaaliya - Soomaaliya ayaa markii ugu horeeyay safiir u dirtay dalka Eritrea, ka dib markii Madaxweynaha Dalkaas Isaias Afwerki uu guddoonsiiyay Danjire Cumar Idiris warqadaha aqoonsiga.

Danjire Cumar Idiris oo horay u soo noqday safiirka Soomaaliya ee Qatar, ayaa boggiisa Twitter-ka ku muujiyay sida uu ugu faraxsan yahay mar uu warqadihiisa aqoonsiga ka guddoomay Madaxweyne Afwerki.

Tallaabadan ayaa loo arkaa inay kor u qaadayso xiriirka diblomaasiyadeed iyo iskaashiga ka dhaxeeyo labada dal.

Danjire Idiris ayaa sidaan ku noqonaya safiirkii ugu horreeyay ee Soomaaliya u jooga Eritrea, labada dal ayaa sandahan dambe dhexmaray iskaashi dhanka amniga ah, iyadoo kumanaan ka tirsan ciidamada Soomaaliya ay tababar ku soo qaateen Eritrea.

GAROWE ONLINE