Soomaaliya: Saaxir 60 jir ah oo Dumarka kufsada oo lagu xukumay 10 sano oo xabsi ah

MUQDISHO, Soomaaliya - Maxkamada gobalka Banaadir ayaa maanta ku riday xukun xabsi 10 sano ah ninkaan oo ay ku heshay eedihii ay maxkamadu usoo jeediyay.

Abuubakar Maxamed Xasan "Shooble" oo da'da 60 jir ah ayay maxkamadu ku heshay in uu Sixir u adeegsan jiray haweenka la qabo isla markaasina uu ka duubi jiray muuqaalo Anshax xumo ah.

Gudoomiyaha maxkamada gobalka Banaadir, Saalax Dabaan oo ku dhawaaqay go'aanka maxkamada ayaa sheegay in ay ku heleen ninkaani sadex eedood oo loo soo jeediyay.

Dowlada Soomaaliya ayaa dar-dar gelinaysa wax ka qabashada tacadiyada haweenka ka dhanka ah kuwaasi oo badankood ku lammaan Maandooriyaha oo kooxaha isticmaala ay ku kacaan falal anshax xumo ah.

GAROWE ONLINE