Wargeys caan ah oo baahiyay xog cusub oo ku saabsan eryidii Ergeyga QM

Image

MUQDISHO, Somalia - Wasiirka Gaashaandhiga Ingiriiska oo todobaadkaan booqasho ku tegay Somaliland ayaa baajiyay booqasho la filayay inuu ku yimaado Muqdisho iyo kulan uu la lahaa Farmaajo, sida ay ku warameyso warbaahinta UK.

Wargeyska The Independent ee kasoo baxay dalka Britain ayaa daabacay in talaabada uu wasiirku qaaday ay salka ku hayso go’aankii ay xukuumadda Muqdisho ka qaadatay eryida wakiilkii Qaramada Midoobay, Nicholas Haysom.

Haysom ayaa dalka laga fiijiyay kadib markii uu ka dalbaday Madaxtooyadda inay sharaxaad ka bixiso xariga Mukhtaar Roobow iyo dad ku dhintay rabshado ka dhashay markii lasoo xiray ku xigeenkii hore ee Al-Shabaab.

Ingiriiska, Germany iyo Midowga Yurub ayaa cambaareeyay ceyrinta Haysom, kaasi oo Xoghayaha guud ee UN-ka go’aan ku gaarey inuu bedalo markii lagu eedeeyay faragelinta arrimaha gudaha ee dalka.

Roobow, oo la fahansan yahay in kasoo badbaadintiisa dhulka ay maamusho Al-Shabaab inay ka shaqeeyeen dowladaha Ingiriiska iyo Mareykanka, ayaa ahaa musharaxii ugu cad-cadaa doorashada Koonfur Galbeed ee sanadkii hore.

Villa Soomaaliya oo dooneysa inuu cod-bixinta kusoo baxo Musharax ay iyadda taageereyso ayaa soo xirtay Afhayeenkii hore ee kooxda xiriirka la leh Al-Qaacida, taasi oo ay kala kulantay dhaleecayn caalami ah.

Cabdicasiis Xasan Maxamed [Laftagareen] oo ay dowladdu wadatay ayaa ku guuleystay doorashadda wareegii 1aad, isaga oo lagu waddo in la caleemosaaro 16-ka bishaan Janaayo 2019, ayna kasoo muuqdaan madax badan.

GAROWE ONLINE

Related Articles

Labada Jihan ee ku jira Madaxtooyada Soomaaliya oo la kulmay Madaxa amniga Midowga Afrika

Go'aanka ayaa dhigaya in muddo-xileedka madaxweynaha uu dhammaaday, arrintaas oo ay dowladda federaalku ka aragti duwan tahay.

  • Soomaliya

    12-11-2026

  • 12:40PM

Kosovo oo dowladda Soomaaliya weydiisatay halka ay ku sugan yihiin xubno la socday wafdi booqday dalkaas

Warqadda oo ka kooban laba bog, laguna qoray qaabka diblomaasiyadeed ee loo yaqaan Note Verbale, ayaa sidatay tixraaca No. 4868-561/26.

  • Soomaliya

    12-11-2026

  • 09:21AM