Aabe iska bixin waayey deyn lagu lahaa oo gabadhiisa ceeji lagu dilay

Image

NEW DEHLI, India – Gabar laba sano jir ahayd ayaa ceeji lagu dilay gudaha Hindiya ka gedaal markii, sida la sheegay, aabaheed uu iska bixin waayey lacago deyn ah oo lagu lahaa taasi oo dhan 142 dollar.

Inantan oo kasoo jeeday bulshada Hinduuga ayaa waxaa laga waayey hoygooda degmada Aligarh, waqoyga Hindia, 30-ka bishii May kahor inta aanan meydkeeda laga helin god qashin 2-dii bishaan June.

Booliska ayaa laga soo xigtay in laba ruux oo, sida lagu waramayo, ah Muslimiin waxay qirteen in ay ka dambeeyeen falkan oo caro iyo mudaaharaadyo xoogan ka abuuray guud ahaan gobolka.

Ciidamo dheeraad ah ayaa lagu soo daabulay gobolka, halkaasi oo si lamid ah la hakiyey adeegsiga Internet-ka, talaabo lagu sifeeyay in lagu xoojinayo nabada, xasiloonida iyo kala dambeynta.

Dhacdooyinka noocaan ah ee ku saabsan dilalka arxanka daran ee lagula kacayo caruurta iyo haweenka ayaa waxay aad ugu soo badanaya Hindiya, oo ay ku nool yihiin 1.339 bilyan oo ruux.

Dowladda oo ku cel-celisa in ay la tacaaleyso ayaa u muuqata mid ku guuldareystay xili ciwaanada maalin-malaha ee saxaafada dalkaasi ay yihiin wararka ku aadan kufsiga iyo dilka caruurta.

GAROWE ONLINE

Related Articles

Israa’iil oo ka baxday wada-xaajoodka xabbad joojinta Qasa

Qatar, Maraykanka iyo Masar, ayaa dhaxdhaxaadinayay wada-hadallo ka socda caasimadda Dooxa

  • Caalamka

    27-03-2024

  • 09:18AM

Maraykanka: Tirada dadka la la’yahay ka dib dhacdadii Buundada Baltimore oo la shaaciyay

Burburka buundada ayaa la filayaa in uu saameyn ku yeesho isu socodka ganacsiga dalka Mareykanka.

  • Caalamka

    27-03-2024

  • 05:57AM