Afar qaraabo dhow la ah Al-Baqdaadi oo nolosha lagu qabtay

Image

ANKARA, Turkey – Labaatan iyo shan kamid ah qaraabada hogaamiyihii la dilay ee Daacish, Abuubabar Al-Baqdaadi, ayaa la qabtay xili xabsi loo taxaabay afar kamid ah xubnahaas.

Shaqsiyaadkan ayaa waxaa laga soo kala qabtay afar gobol kadib howlgal aad u qorsheysan oo ay sameeyeen ciidamada Turkiga.

Dacwad-oogaha guud ee ismaamulka Kırşehir ayaa shaaciyey in afarta xiran ay xubin ka yihiin urur hubeysan, wallow uusan kala caddeyn midka ay yihiin Daacish ama Al-Qaacid.

Laba iyo toban kamida ayaa laga soo xiray Kırşehir, shan waxaa laga soo qabtay Samsun, saddex-na waa Ordu, halka lix kamid ah laga soo xiray gobolka muhiimka ah ee Şanlıurfa.

Baaritaano la sameeyay ayaa waxaa lagu ogaaday in 21 kamid ah la tuhunsan yahay, kuwaas oo laba kamid ah ay caruur yihiin, kuwaas oo loo musaafuriyay gobolada dhexe.

Al-Baqdaadi oo ahaa ninkii loogu doondoonista badnaa caalamka ayaa ku dhintay howlgal qorsheysan oo Mareykanku ka fuliyey waqooyi barri ee Suuriya, sida uu Trump shaaciyey.

Kooxda la magax baxday Dowladda Islaamka oo xaqiijisay geerida Abuubabar Al-Baqdaadi ayaa ku dhawaaqday Amiirkeeda cusub, kaasoo kamid ahaa Golaha Shuurada ee ISIL.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM