Aqalka Cad: ma xaqiijin karno geerida Kayla Mueller

Image

February 7, 2015 (GO)- Aqalka Cad ee Maraykanka ayaa sheegay inuusan xaqiijin karin warka sheegaya in duqeyn ka dhacday magaalada Raqqa ee dalka Syria lagu diley haweeney Maraykan ah oo kooxda IS afduub ahaan u haysatey.

Warka kasoo baxay Aqalka Cad ayaa imaanaya maalin kadib markii kooxda IS shaacisay in haweeneydan oo lagu magacaabo Kayla Mueller kana shaqeyneysey arimaha samafalku ku geeriyootey duqeyn ay geysteeen diyaaradaha dagaalka ee Jordan.

Dhanka kale, Wasiirka Arimaha Dibadda ee Jordan Nasser Judeh ayaa beeniyey warka sheegaya geerida Kayla Mueller  isagoo ku tilmaamay mid la buunbuuniyey oo aan sal iyo raad toona lahayn.

Dowlada Jordan ayaa duqeymo xiriir ah la beegsatay fariisimaha kooxda IS ee Syria kadib markii kooxdaasi todobaadkii hore nolosha ku gubtey duuliye Jordan u dhashay.

Kooxda xagjirka ah ee IS ayaa afduub ahaan u haysata tobanaan qof oo u dhashay dalalka Maraykanka iyo Yurub.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM