Digniin loo diray Soomaalida ku nool Yemen xili laga cabsi qabo dagaal

Image

CADAN, Yemen – Golaha ku meel gaarka koonfurta dalka Yemen ee u ololeeya gooni u goosadka ayaa soo saarey fariin ku socota dadka ku nool halkaas oo ay kamid yihiin Soomaalida.

Digniinta ayaa si gaar ah loogu carababaabay Soomaalida, taasoo ku kordhisay walwal aad u badan.

Fariinta ayaa sheegeysa in looga baahan yahay in aysan ku milmin siyaasadaha is-diidan iyo dhinacyadda ku hubeysan ee ku loolamaya colaada ka jirta waddankaas Carbeed.

Tani ayaa kusoo beegmeysa iyadoo ay jirto cabsi laga qabo dagaal ka qarxa koonfurta Yemen oo kamida meelaha ugu badan oo ay muwaadiniinta Soomaalida ku nool yihiin.

Safaarada Soomaaliya ee Yemen ayaa xaqiijisay in ay soo gaartay ogeysiiska, wallow ay diidey in ay waqti xaadirkaan ka bixiso tafaasiil dheeraad ah eedeymaha ku jira.

Mas'uuliyiinta Yemen ayaa mar sii horeysay ku eedeeyay Soomaalida in ay ka qeyb-qaataan dagaalada dhexmara dhinacyadda hubeysan ee Yemen sida dowlada iyo Xuutiyiinta.

Soomaalida ku sugan qarankaas colaaduhu la dageen ayaa isugu jira kuwa degan muddo badan, qaar qaxooti ah iyo tirro kale oo tahriib ah isla markaana kusii jeeda qaarada Yurub.

Qaramada Midoobay ayaa sheegtay in colaada tobanaanka sano ka socota Yemen lagu khaarijiyey kumanaan ruux oo shacab ah, isla markaana ay ku barakaceen malaayiin kale oo rayid ah.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM