Duqa London oo weerar afka ah ku qaadey Trump kahor socdaalka UK
-
WARIYAHA LONDON GAROWE ONLINE
- Posted On 03-06-2019, 08:12AM
LONDON, UK – Duqa magaala madaxda waddanka Ingiriiska ayaa ku sifeeyay madaxweynaha Mareykanka "mid kamida tusaalooyinka ban-baxsan ee soo koraya kuwaasoo ah khatar caalami ah".
Sadiiq Khan oo ku caan-baxay naqdinta siyaasada Donald Trump ayaa hadalkaan ku sheegay maqaal uu ku daabacay wargeys xili uu kusoo beegmaya saacado kahor inta uusan Trump booqan UK.
Maqaalkiisa oo uu ku tibaaxay in Trump uusan soo dhaweyn diiran heli doonin ayaa waxa uu madaxweynaha ku tilmaamay mid kamid leh dabeecado kasoo horjeea dhaqamada Mareykanka.
"Sanado kahor waxaan ka shakisanaa socdaalkiisa halkaan. Waxaan ka qoomameynayaa in aan aqoonsan waayey. Balse waxay ahayd sheeko khaldan," ayuu hadalkiisu raaciyey Mr Khan.
Sadiiq ayaa waxa uu la xiriiray Trump shaqsiyaad badan oo siyaasadood midigta fog tahay sida hogaamiyaha xisbiga midigta fog ee Faransiiska Marine Le Pen taasoo looga bartay soogalooti naceybka.
"Waxay adeegsadaan qoryaha isku midka ah ee foistayaasha qarniga 20-aad si ay taageero u helaan," ayuu xusay, isaga oo raaciyey "Waxay kasoo horjeeda dhaqanka Mareykank ee sinaanta iyo xorriyada".
Hadaladaan ayaa imaanaya iyadda oo dowlada Britain ay isku diyaarineyso soo dhaweynta Trump waxaase barbar socda olale ka dhan ah madaxweynaha Mareykanka oo qaybo kamida magaalada London ka socda.
GAROWE ONLINE
