Imaaraadka Carabta oo dhimaya ciidamada ka jooga dalka Yemen

Mas'uul u hadlay Abu Dubai ayaa shaaca ka qaadey sababta ka dambeysa arrintan.

ABU DUBAI, UAE – Mas'uul sare oo u hadlay waddanka Imaaraadka Carabta ayaa waxa uu shaaciyey in ay dhimayaa ciidamada ka jooga waddanka Yemen.

Isaga oo wariyeyaasha kula hadlaya magaaladda Abu Dubai ayuu shaaca ka qaadey in ay tani la xiriirto "xaalado istaraatiijiyad".

Balse waxa uu carabka ku adkeeyay in ay door firfircoon ka cayaarayaan howlgalka Sacuudiga hogaamiyo ee dalkaasi ka socda.

Ma uusan soo bandhigin tirada askarta ay dhimayaan, hasa ahaatee wuxuu qeexay in ay sida ugu dhaqsiyaha badan u fulin doonan talaabadan.

Imaaraadka ayaa kamid ah dalalka ciidamada ugu badan ku leh dagaalka ka dhanka ah Falaagada Xuutiyiinta ee dalkaasi Carbeed.

Talaabadan ayaa imaanaysa xili colaada iyo xiisada dalkaasi ka taagan ay kasii dareyso, isla markaana dagaalo goos-goos ah ay dhacayaan.

Maleyshiyaadka uu hogaamiyo Jenaraalka Khaliif Xaftar ayaa magaalooyin horleh qabsaneysa, taasoo walaac badan abuurtey.

Sikastaba, isbaheysiga uu horkacyo Sacuudi Carabiya ee ay kula dagaalamayaan kooxda ay Iiraan barataarto ayaa bilowday bishii Maajo sanadkii 2015-kii.

GAROWE ONLINE

Wararkii ugu dambeeyey