Imaaraadka oo xayiraad kusoo rogay dalal ay ku jirto Soomaaliya

Image

ABU DHABI, UAE – Imaaraadka Carabta ayaa Arbacadii wuxuu si ku meelgaar ah u joojiyey in uu dal ku gal siiso dadka ka imaanaya Soomaaliya iyo 11 dal kale, sidda ay ku warantay warbaahinta maxaliga ah ee waddankaas.

Sidda ku xusan warbixinadda ay tabineyso warbaahinta, go'aankan ayaa la xiriira soo-rogaal-celiska uu sameynayo fayruska Corona.

Liiska dowladaha ay saameyneyso xayiraadda ayaa waxay kala yihiin; Turkey, Iran, Yemen, Syria, Iraq, Pakistan, Libya, Kenya iyo Afghanistan.

Inkasta oo aan lasoo bandhigin xilliga la qaadayo xayiraadaas, haddana waxaa la sheegay in ay sii jireyso illaa iyo amar dambe uu kasoo baxayo.

Soomaaliya ayaa laga diiwaan-geliyey kiisas Covid-19 oo tiradoodu gaareyso 4,301; dadka ka bogsaday waxay mareysaa 3,330, halka dhimashadda lagu waramay in ay sii cagacageyneyso 107 marxuum Soomaali ah.

Guud ahaan caalamka, kiisaska Covid-19 ayaa ka badan 55 milyan ruux, halka bogsashadda ay tahay 35 milyan, halka geerida ay tahay 1.34 milyan.

Hay'adda Caafimaadka Aduunka ee loo garan-og-yahay WHO ayaa waxay ugu baaqdey dowladaha in ay qaadaan talaabo kasta oo ay u arkaan in looga baaqsan karo in saameynta fayruska ay gaarto bulshada qeybteeda nugul.

GAROWE ONLINE

Related Articles

Masar oo Soo Dhawaysay Balanqaadka Trump ee xalinta Khilaafka Webiga Nile

Madaxweynuhu wuxuu si kulul u dhaliilay mashruuca biyo-xireenka Itoobiya, isagoo xusay in uu xannibayo biyihii webiga Nile.

  • Caalamka

    16-07-2025

  • 06:51AM

Xaaska Macron oo Dacwad ka gudbisay haween ah oo sheegay in markii hore Nin ahaan jirtay

Dacwadda waxay salka ku haysaa muuqaal YouTube ah oo la daabacay 2021, halkaas oo laba haween ah.

  • Caalamka

    15-07-2025

  • 09:11AM