Madaxweynaha dalka Turkiga oo cunaqabateyn lagu soo rogayo

Image

WASHINGTON, US – Laba mudane oo ka tirsan Aqalka Sarre ee waddanka Mareykanka ayaa Arbacadii waxay soo bandhigeen soo jeedin ku aadan in cunaqabateyn lagu soo rogay qaranka Turkiga.

Talaabadan ayaa kusoo aadeysa iyadda oo Ankara ay ka bilowday waqooyi barri Suuriya weeraro ka dhan ah falaagadda PKK/YPG.

Dunida ayaa waxay aad u cambaareysay howlgalkaas oo mas’uuliyiinta Turkigu ula baxeen magaca "Howlgalkii Faafinta Nabadda".

Lindsey Graham oo ka tirsan Jamhuuriga iyo Chris Van Hollen oo dimoqraadiga ah ayaa dalbaday in xayiraadan ay ku raacdo dowladooda.

Dadka lagu beegsanayo talaabadan cusub ayaa waxaa ku jira madaxweyne Recep Tayyip Erdogan iyo hanti fara badan oo u taala Mareykanka.

Wakaaladda wararka ee Reuters ayaa sheegeysa in soo jeedinta ay qayb ka tahay in xayiraad lagu soo rogo dal ku galka [visaha] Turkiga.

Intaas waxaa wehlisa xayiraadyo ka dhan ah taageerada milatariga, shirkadaha Tamarta Turkiga. Si lamid ah, mamnuucida warbixinada ay is-dhaafsadaan xoogaga Mareykanka iyo Turkiga.

Ugu dambeyntii, waxay mudaneyaasha ay soo jeediyeen in Mareykanka uu qaadaco in Turkiga soo iibsado nidaamka difaaca sawaariida Ruushka, iyo cunaqabateyn ka dhan ah arrintaas.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM