Nin weeraray Masjid ku yaala Norway oo xabsi la dhigay

Image

OSLO, Norway – Ugu yaraan hal qof ayaa Sabtida maanta ah ku dhaawacmay markii shaqsi hubeysan uu weeraray Masjidka Al-Nuur ee ku yaala magaaladda Baerum oo 22 KM u jirta Oslo, caasimadda Norway.

Booliska oo war kasoo saarey dhacdadan taasoo lasoo wariyay intii u dhaxeysay Salaada Maqrib iyo Salaadii Casir ayaa shaaca ka qaadey in ruuxa ka dambeeyay uu ahaa "nin dhalinyaro oo cadaan ah".

Mas’uuliyiinta Masaajidka ayey warbahinta ka soo xigtay in shaqsiga la tuhunsan yahay uu watay darees isku midab ah iyo koofiyad, isla markaana uu beegsaday goobta lagu tukado.

"Bukaanka xaaladiisa ma kala cadda. Sidoo kale ma jiraan tilmaamo muujinaya hadafka weerarka," ayuu raaciyey bileyska oo ka gaabsaday inuu bixiyo tafaasiil dheeraad ah oo ku aadan falkan.

Weerarkan ayaa wuxuu kusoo beegmaya iyadda oo maalinta berri oo Axad ah lagu wado in loo dabaaldego maalinta koowaad ee Ciidda Carafo.

Irfan Mushtaaq, oo kamid ah guddiga maamula Masjidka ayaa u sheegay war-fidiyeenka maxaliga ah in qof kamid ah dadka cibaadeysanayey uu isku duubay dableyga, isla markaana uu qabtay.

"Dhibanaha oo 75-jir ah sidoo kale wuxuu ka tirsanaa guddiga," ayuu Mushtaaq hadalkiisa raaciyey, isaga oo soo kabasho degdeg ah u rajeeyay dhibanaha, oo xaaladiisa aysan wali kala caddeyn.

Ficilka gardaradda ah ee lagu ekeeyay guriga ALLE ayaa imaanaya iyaddoo Masaajida ku yaala reer Galbeedka amnigooda aad loo adkeeyay kadib xasuuqii horaantii sanadkan ee labada Masjid ee New Zealand, halkaaso lagu laayey 50.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM