RW Hindiya oo gobolka Kerala ku tilmaamey inuu ka liito Somaliya

Image

Ra'isal wasaaraha Hindiya Narendra Modi ayaa gobolka Kerala ee wadankaas kala mid dhigey Somaliya taasoo ka careysiisey siyaasiyiinta iyo dadka isticmaala baraha bulshada ee Internetka.

Modi ayaa maalinamadii Axada ee la soo dhaafey 8 May,2016 goob dadweyne isugu soo baxey ka yiri "tirada dhimashada caruurta yaryarka qaar ka tirsan qabaa'ilka daga gobolka Kerala ka liidato dalka Somaliya".   

Hadalkaan ayaa waxaa caro uga jawabey dadka isticmaala barta Twiter iyagoo qorey kalmada ah #PoMoneModi ( Go Off Modi) halka wasiir ka tirsan xukuumadiisa oo la yiraahdo Oommen Chandy hadalka Modi ku tilmaamey mid xaqiiqda ka fog. 

Gobolka Kerala ayaa waxaa laga qabanayaa doorashooyin 16 May. Modi ayaa raadinaya in xisbigiisa BJP ku guuleysto gobolkaan ku yaala Koonfurta Hindiya kasoo taariikh ahaan ka arimin jireen xisbiga Congress ama axzaab isu tagtey oo dhinaca bidixda ah.

Hadalka Ra'isal wasaaraha Hindiya oo uu ku raadinayey in codka dadka gobolka Kerala ku kasbado ayaa noqdey mid khasaarey sidaas waxaa sheegey siyaasiyiinta ka tirsan xisbiyada kale ee la tartamaya BJP.

Shacabka gobolkaas ayaa aad ugu caroodey in gobolkooda lagu tilmaamo mid wadanka Somaliya lamid ah iyadoo siyaasiyiinta fadhigoodu yahay magaalada Muqdishu ka jawaabin hadalka Ra'isal wasaaraha Hindiya.

Ra'isal wasaaraha Ingriiska ayaa isagoo ka warqabin saxaafada dalkiisa ka qabtey hadal uu wadanka Naigeria ku tilmaamayo inuu yahay midka ugu musuqmaasuqa badan caalamka taasoo sababtey in madaxweynaha dalkaas ka dalbado David Cameron in dib loogu soo celiyo lacagaha laga soo dhacey dalka Nigeria kuwaasoo la dhigtey bangiyada UK.

GAROWEONLINE+ WAKAALADAHA

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM