Sri Lanka oo amar kusoo rogtay dumarka Muslimiinta kadib qaraxyo

Image

COLOMBO, Sri Lanka – Dowladda Sri Lanka ayaa gebi ahaanba mamnuucday dharka ay dumarka isku dedaan si aan jirkooda loo arkin ee loo yaqaano Burqas-ka.

War saxaafadeed kasoo baxay madaxtooyadda ayaa lagu sheegay in sababta ay tahay in uu halis ku yahay amaanka iyo shacabka wadankaasi.

Tani ayaa ka dambeysay markii qaraxyo ay gil-gileen wadankaasi ay ku naf-waayeen in ka badan 300 ruux oo Masiixiyiin ah.

Go’aanka uu madaxwaynaha dalkaasi soo saarey ayaa guud ahaan Sri Lanka ka dhaqan-galaya maanta oo Isniin ah.

Booliska ayaa sheegaya koox mitidiin maxali ah ay ka dambeyso weeraradaasi xili Daacish ay qayb ka sheegatay.

Tan iyo markii uu dhacay falkaasi waxaa Sri Lanka la geliyay xaalad degdeg ah, iyadda oo socdeen howlgalo lagu beegsanayo dadka laga shakisan yahay.

Jimcadii Booliska oo ku duulay hoyga mid kamida raga is-qarxiyey ayaa toogasho ku dilay Aabaha iyo laba wiil oo la dhalay Is-miidaamiyaha.

Ururadda u dooda Muslimiinta ayaa ku tilmaamay amarka madaxtooyada mid lagu beegsanayo dad gaar ah, iyagga oo cambaareeyay.

Dalka Sri Lanka ayaa waxaa ku badan dadka haysta diinta Budhiistaha xili Muslimiinta ay ka yihiin 9.7% waana bulshada ugu yar ee halkaasi ku dhaqan.

Burqas-ka waa nooc kamida dharka ay dumarka Aasiya xirtaan, kaasi oo kaliya indhahooda laga arkayo, iyadda oo inta kale oo jirkooda kamida uu daahsoon yahay.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM