Xukuumada Russia oo xafiiska faarujisay kadib baaq ka yimid Putin

Image

MOSCOW, Russia – Xukuumadda Ruushka ayaa guud ahaan is-casishay maanta oo Arbaco ah markii madaxweyne Vladimir Putin uu cod dheer kusoo jeediyey baahi loo qabo is-bedel dastuuri ah.

Putin, oo khudbad sanadle ah u jeediyey baarlamaanka, ayaa gudbiyey afti ku saaban dastuurka oo lagu kordhinayo awooda baarlamaanka iyaddoo la xoojinayo nidaamka Madaxtooyada.

"Waxaan tixgelinayaa in ay daruuri tahay in muwaadiniinteena ay codkooda isbedel ugu sameeyaan dastuurka dalka," ayuu yiri, isagoo aanan muddeyn waqtiga loo codeynayo aftida.

Hadalka Putin ayaa imaanaya iyaddoo korjoogtada ay isha ku hayso qaabka uu dib u habeyn ugu sameeyo nidaamka siyaasadeed kahor 2024, oo uu ka dhamaanayo muddo xileedkiisa.

Marka la gaaro taariikhdaas, Putin ayaa noqon doonaa 71-sano jir, maadaama uu waqti xaadirkan uu yahay 67-jir.

Dhinaca kale, Putin ayaa Mikhail Mishustin u magacaabay ra'iisul wasaaraha cusub. Mishustin, madaxii hay'adda canshuuraha, ayaa xulashadiisu noqotay lama filaan.

Sanadkii 1993-dii ayay ahayd markii ugu dambeysay oo Ruushku afti u qaaday Dastuurka, waxaana xiligaas talada hayey Boris Yeltsin, oo uu xukunka kala wareegay madaxweynaha iminnka, Putin.

GAROWE ONLINE

Related Articles

Putin oo ku hanjabay inuu qaadi doono tallaabo kaa dhan ah diyaaradaha NATO

Putin ayaa ku hanjabay in haddii reer galbeedku ay Ukraine siiyaan diyaaradaha F-16, ay soo ridi doonaan.

  • Caalamka

    28-03-2024

  • 10:44AM

Saboolnimada awgeed.. Dhaliyarada Iran oo bilaabay inay iibiyaan Kelyahooda

Dadka ku howlan ka ganacsiga xubnaha jirka ayaa ku tartama xubnaha ay bixiyaan ciyaartoyda.

  • Caalamka

    28-03-2024

  • 08:38AM