Khan: Xorriyada hadalka looguma soo gamban karo gefka Nabi Maxamed

Islam
By WARIYAHA ARRIMAHA DIINTA , GAROWE ONLINE
Ra'iisul Wasaaraha Pakistan ayaa hogaamiyeyaasha wadamada Islaamka si kulul u canaantay | Xuquuqda Sawirka: Online

MAKKA, Saudi Arabia – Ra'iisul Wasaaraha dalka Pakistan, Imran Khan, ayaa wuxuu si adag uga hadlay xadgudubyadda sanadihii u dambeeyay ee dadweynaha reer Galbeedka kula kacayeen Nabi Maxamed NNKH.

"Sidda uu isaga [Nabiga] ugu nool yahay quluubteena, waa in aan u sharaxnaa Reer Galbeedka in ay tahay mid sareysa iyo in ay na xanuunjineyso markay ku jees jeesayaan ama ay ku maadeysanayanaa Nabigeena barakeysan," ayuu yiri.

Ururka Iskaashiga Islaamka ee OIC oo uu ku canaantay in ay markay timaado ficilada noocaasi ah uusan talaabo qaadin ayuu ku booriyey in Qaramada Midoobay iyo Midowga Yurub ay kala xaajoodaan qadiyadani.

"Waxaan rabaa in aan fursadaan uga faa'ideysto in Jamciyada Qurumaha ka dhaxeysa iyo Midowga Yurub aan u sharaxno in xorriyada hadalka aan loogu soo ganban karin dhaawaca qalbiyadda 1.3 milyan oo ruux," ayuu raaciyey.

Mr Khan oo sii hadlaya ayaa ka dhiidhiyey dhacdooyinka Islaam naceybka ee dunida kusoo badanayay sanadihii lasoo dhaafay, isaga oo ku dhaleeceeyay reer Galbeedka in ay isku milaan argagixisinimada iyo Islaamka.

"Diinta ma ahan argagixisnimo. Diinna ma ogola in la dilo dad aan waxba galabsan. Tani ayaa keentay Islaam naceybka. Haatan dunida waxaa looga qeexaa argagixisada Islaamka-xagjirka ah," ayuu daba dhigay kalmadiisa.

Ra'iisul Wasaaraha ayaa ku nuux-nuux saday sida loo baahan yahay midnimada dowladaha Islaam-ka si loosoo afjaro meelna looga soo wadajeesto "falalka Islaam ka naceybka iyo Islaam-ka xagjirka ah".

"Waxaan metalnaa shucuub badan oo Muslimiin ah. OIC waa in ay doorkeedu qaadataa. Waa in aan kheyraad badan ku bixinayaa sidii aan gacanta sare u lahaan lahayn dhanka Tiknoolajiyada iyo Seyniska," ayuu kusoo xiray.

GAROWE ONLINE

Wararkii ugu dambeeyey