Boosaaso: Askari toogasho ku dilay laba askari oo kale

Puntland
By GAROWE ONLINE

BOSAASO - Askari ka tirsan ciidamada badda maamul goboleedka Puntland ayaa habeenimdii xalay magaalada Boosaaso ku dilay laba askari oo ciidamada Badda maamulka Puntland ay ka wada tirsanaayeen.

Askariga ayaa la sheegay in askarta geeriyootay uu rasaas ku furay iyaga oo kuwada jira hawlga ay amaanka ku sugayaan.

Saraakiisha ciidamada Badda Puntland oo la hadalay saxaafada ayaa sheegey in Askari dilka gaystey gacanta ku hayaan islamarkaana baarayaan sababta keentey inuu toogto labo Askari oo ka tirsan ciidamada.

Ciidamada Badda Puntland oo la aasaasey sanadkii 2010 ayaa waxay qayb ka yihiin hay'adaha amni sugida Puntland gaar ahaan gobolka barri halkaas oo xaruntooda ugu weyn ku taal.

GAROWE ONLINE

Warar la xiriira

Wararkii ugu dambeeyey