Bosaso: kooxo hubeysan oo soo weeraray bar

Image

February 7, 2015 (GO)- Kooxo hubeysan ayaa caawa soo weeraray bar-kantarool oo meel u dhow Hotel Panorama u taaley ilaalada taliye ku-xigeenka booliska Puntland Muxiyadiin Axmed Muuse.

Iska hor imaad xooggan ayaa dhex maray kooxdii weerarka soo qaaday iyo ilaalada taliyaha.

Faah faahin dheeri ah laga hayo khasaaraha, balse wararka hordhaca ah ee Garowe Online heleyso ayaa sheegaya in weerarka hal askari lagu diley labo kalena lagu dhaawacay.

Wararku waxay intaas ku darayaan in kooxdii weerarka soo qaadey hal nin laga diley mid kale oo dhaawac ahna ay qaateen.

Hotel Panorama waxaa ku dhow xabsiga weyn ee Gaal-shrie halkaasoo hadda kahor kooxo Al-shabab ka tirsani soo weerareen, waxaa sidoo ku dhow guriga uu degen yahay taliye ku-xigeenka ciidamda booliska Muxiyadiin Axmed Muuse.

Weerarkan ayaa imaanaya todobaad kadib markii Al-shabaab weerar qorsheysan kusoo qaaddey saldhigga booliska Baalade oo masaafo aan badneyn u jira goobta caawa lasoo weeraray.

Faah faahin dheeri ah dib ayaan idiinka soo gudbin doonaa...

GAROWE ONLINE

Related Articles

Wasaaradda Caafimaadka Puntland oo Burtinle ku xustay Maalinta Caalamiga ah ee Musqulaha

Intii ay socotay munaasabadda, Wasaaradda Caafimaadka Puntland ayaa shahaado-sharaf guddoonsiisay shan deegaan.

  • Puntland

    19-11-2026

  • 08:02PM

Axmed Madoobe oo booqanaya Garowe, xilli uu hakad ku yimid wadahadalladii Muqdisho

Booqashada Axmed Madoobe ee Garowe ayaa sidoo kale fursad u noqon karta wadatashiyo dheeraad ah oo dhex mara labada hoggaamiye.

  • Puntland

    14-11-2026

  • 07:21PM