Deni oo dadweynaha u diray fariin ku saabsan ka horagga Coronavirus

Image

GAROWE, Puntland – Madaxweynaha dowlada Puntland, Saciid Cabdullaahi Deni, ayaa Sabtida maanta ah wuxuu dadweynaha la wadaagay fariin muhiim ah oo ku saabsan ka hortagga faafitaanka Coronavirus.

Qoraal kooban oo lasoo dhigay barta Facebook ee Madaxtooyadda ayaa Deni looga soo xigtay baaqiisa ku saabsan fayruska.

"Caabuqa ‘Coronavirus’ waa khatar dunida ku soo siyaaday sidaas awgeed Dawladda Puntland waxay qaaday talaabooyin looga hortagaayo faafidda caabuqaan inuu dalka ku faafo," ayuu yiri.

Sidda ku xusan warka qoraalka ah, Deni ayaa dadweynaha ku booriyey in ay qaataan talooyinka caafimaad ee loo jeediyey.

"Dadka Soomaaliyeed gaar ahaan Puntland waxaan ugu baaqayaa inay qaataan talooyinka Hay’adaha Caafimaadka iyo Arimaha Gudaha ee Dawladda Puntland inta suurto gal ah," ayuu raaciyey.

Isagoo hadalkiisa sii wata, madaxweynuhu wuxuu soo bandhigay qaar kamid ah xeeladhaa bud-dhiga ah ee lagula dagaalami karo faafitaanka xanuunkaas kasoo bilowday bartamaha Shiinaha.

"Waan dareensanahay duruufaha dadkeena ku xeeran lakiinse waxaan ku baaqaynaa in la yareeyo; isu socodka laga maarmi karo, xafladaha iyo kulamada sida maqaaxiyaha iyo goobaha cibaadada," ayuu kusoo xiray hadalkiisa, sidda lagu sheegay bayaanka kooban.

Soomaaliya gaar ahaan Muqdisho ayaa waxaa laga soo wariyey saddex kiis oo cudurkaas ah. Balse, Puntland waxay hogaamineysaa maamulada aan wali soo warin marka laga reebo Somaliland oo tuhun uu jiro.

GAROWE ONLINE

Related Articles

Ciidamadda badda Puntland oo heegan sarre la geliyay

Ciidanka badda Hindiya ayaa saacado kooban gudaheeda kaga dalbaday inay marbaka Mv Abdalleh kaga dagaan Kooxda Soomalida ah ee haysta markabka.

  • Puntland

    18-03-2024

  • 01:50AM

Deni oo magacaabay Guddiga dardargelinta Ganacisga Puntland

Waajibaadka guddigan waxaa kamid ah qiimeynta iyo ka talo bixinta dib u habeynta iyo tayeysiinta Maxjarada Xoolaha ee Puntland.

  • Puntland

    17-03-2024

  • 08:30AM