FIFA oo Puntland ku casuntay shir ka dhici doona Zürich

Image

October 9, 2014 (GO)- Xiriirka Kubadda Cagta Dunida ee FIFA ayaa Puntland ku casumay shir bisha December ee soo socota ka dhici doona xarunta ugu weyn FIFA ee ku taalla magaalada  Zürich ee dalka  Switzerland.

Casumaadda Puntland ka heshay FIFA ayaa timid kadib markii ay dacwad ka gudbisey Xiriirka Kubadda Cagta Somaliya oo sida Puntland horay u sheegtay isku koobay magaalada Muqdisho oo keliya.

Agaasimaha Qaybta Dhallinyarada iyo Ciyaaraha ee Wasaaradda Shaqada, Shaqaalaha, Dhallinyarada iyo Ciyaaraha  Puntland Axmed Cabdulle Tigaana, ayaa aritan ku faahfaahiyey waraysi uu maanta siiyey qaar kamid ah warbaahinta maxalliga ah ee Puntland.

Tigaana waxuu waraysiga lala yeeshay ku sheegay in warqadda cabashada ah ee Puntland FIFA u gudbisay lagu xusay sharci darrada uu ku shaqeynayey xiriirku muddo labaatan sano ka badan iyo weliba sida loo duudsiyey xuquuqdii ay lahaayeen Puntland iyo maamullada kale ee dalku, waa sida agaasimuhu hadalka u dhigaye.

In FIFA kasoo jawaabtay cabashadooda wuxuu ku tilmaamay guul weyn, maadaama hadda wixii ka dambeeye Puntland suuragal u tahay inay hesho mashaariic badan oo horumarinta ciyaaaraha khuseeya kuwaasoo horay hoggaanka xiriirka kubadda cagta ee Muqdisho fadhigoodu yahay u musu maasuqi jireen.

Puntland ayaa qaadacday doorasho bishii August ee lasoo dhaafay dhamaadkeedii ka dhacday magaalada Muqdisho, taasoo lagu doortay dhowr xubnood oo la sheegay inay yihiin hoggaanka cusub ee xiriirka kubadda cagta Soomaaliya.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM