Garoonka Garoowe oo loo baxshay General Maxamed Abshir [Sawirro]
-
Wariyaha Garowe Garowe Online
- Posted On 08-01-2018, 12:35PM
GAROOWE, Puntland- Madaxweynaha dowladda Federaalka Soomaaliya iyo Madaxweynaha Puntland, ayaa si wadajir ah u daah furay Garoonka Diyaaradaha magaalada Garoowe oo loo baxshay, General Maxamed Abshir.
Maxamed Abshir oo sannadkii hore geeriyooday ayaa noqday taliyihii ugu horeeyay ee ciidamada Booliiska Soomaaliyeed, kaasoo lagu xasuusto dhismaha ciidankaas, doorkii uu ku lahaa nabadaynta iyo dowladnimada waddanka.
Xafladda Daah furka ayaa hadda ka socotay isla garoonka dhexdiisa, waxaana ku sugan wufuud ka socota dalalka Ethoipia iyo Jabuuti.
Shirkadda dhisay garoonka oo ah mid laga leeyahay dalka Turkiga ayaa sheegtay in garoonkan dhismihiisa guul laga gaaray.
GAROWE ONLINE
