Guddoonka golaha deegaanka Bosaso oo la doortay iyo banaan-bax dhacay

Image
Image
Image
Image
Image

30 September, 2015(GO)-Xubnaha golaha deegaanka degmada Bosaso ayaa maanta cod gacan taag ah ku doortay Gudoomiyaha golaha iyo ku-xigeenkiisa.

Yaasiin Mire Maxamud ayaa cod aqlabiyad ah ku helay doorasho ka dhacay Bosaso, waxaana u codeeyay 28 mudane, halka ku-xigeenkiisa loo doortay Siciid Garown oo horay u soo noqday Gudoomiye ku xigeenka golaha deegaanka Bosaso.

Waxaa kasoo qayb galay maamulka gobalka Bari, kan degmada Bosaso, xubno ka tirsan golaha wasiirada Puntland, xildhibaano,nabadoono, aqoonyahanno, siyaasiyiin, ganacsato, dalinyaro , haween iyo marti sharaf.

Doorashada ayaa ka duwanayd kuwii ka dhacay Garowe iyo Qardho, waxayna u dhacday qaab gacan taag ah iyadoona hoolka doorashada lagu qabtay uu ka soo muuqday halmusharax oo raadinayay xilka Gudoomiyaha.

Mid ka mid ah musharaxiinta u taagnaa jagada Duqa degmada Bosaso ayaa shalay shaaciyay inuu ka laabtay arrinkaasi, ka dib dhaliil uu u soo jeediyay qaabka loo soo xulay Xildhibaanada.

Xildhibaanka qaadacay doorashada ma imaan dhaarta xubnaha cusub, kamana soo qayb galin doorashada maanta dhacday.

Dhinaca kale, magalada Bosaso ayaa waxaa ka socda banaanbax ay dhigayaan dadka deegaanka oo ka soo horjeeda sida wax u socdaan.

Gudoomiyaha Bosaso ayaa nin ah dhalinyaro wax ku soo bartay dalka dibadiisa.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM