Madaxweynaha dowladda Puntland oo magacaabay taliyeyaal cusub

Image

GAROWE, Puntland - Madaxweyne Saciid Cabdullaahi Deni ayaa Axada maanta ah wuxuu magacaabay taliyeyaal cusub oo hogaamin doona ciidamada madaxtooyadda iyo booliska gobolka Nugaal.

Wareegto ku taariikheysan 10-ka bisha August oo lasoo dhigay barta Facebook ee madaxtooyadda ayaa Cabdiqaadir Jaamac Dirir loogu magacaabay taliyaha ciidanka madaxtooyadda.

Digreetadda oo sumadeedu tahay Xeer Madaxweyne Lr. 51 ayaa Maxamed Aadan Jaamac loogu magacaabay taliyaha boolsika gobolka Nugaal oo ay ku taalo caasimada dowlada ee Garowe.

Hoos ka akhriso wareegtadda

Madaxweynaha Dowladda Puntland Mudane Siciid Cabdullaahi Deni, ayaa Xeer Madaxweyne Lr. 51 August 10, 2020 ku magacaabay Taliyaha Ciidanka Madaxtooyada iyo Taliyaha Qaybta Booliska Gobolka Nugaal.

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80-aad.

Markuu arkay: Baahida loo qabo Dar-dar gelinta iyo xoojinta hawlaha Amniga.

Markuu arkay: Aqoontooda, kartidooda iyo waayo-aragnimadooda Ciidanimo.

Wuxuu xeeriyey:

Waxaa G/sare Cabdiqaadir Jamac Dirir loo Magacaabay Taliyaha Ciidanka Madaxtooyada Dowladda Puntland

Waxaa G/sare Maxamed Aadan Jaamac loo Magacaabay Taliyaha Qaybta Booliska Gobolka Nugaal.

*Xeerkani waxaa uu dhaqan gelayaa markuu Madaxweynuhu saxiixo, wuuna saxiixay.

=DHAMMAAD=


Cabdiqaadir ayaa bedelaya Cismaan Itoobiyaan oo shalay ku dhintay iska hor-imaad ka dhacay Gaalkacyo kaasoo ka dhashay howlgal ay ciidamadda ku qaadeen kooxo ka ganacsatada daroogada.

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM