Madaxweynaha Puntland oo u duuley Talyaaniga

Puntland

May 2, 2015 (GO)- Madaxweynaha Puntland iyo wafdi uu hoggaaminayo ayaa maanta ka dhoofey garoonka diyaaradaha ee Garowe iyagoo ku wajahan xarunta dalka Talyaaniga ee Roma.

Gaas oo si kooban warbaahinta ula hadlay waxyar kahor intii uusan duulin, wuxuu sheegay in dowladda Talyaaniga uu kala soo hadli doono sidii ay mashaariic horumarineed uga fulin lahaayeen Puntland islamarkaana uu warbixin kasiin doono halka ay marayaan mashaariicda xilligan Talyaanigu ka wado Puntland.

"waxaan rajeyn in mashaariicdaasi waxbadan ka bedali doonaan wejiga Puntland una soo kordhin doonaan horumar... guul iyo kheyr ayaan ka rajeyn in uu noogu soo dhammaado safarkaasi" ayuu yiri.

Safarka madaxweynaha Puntland ayaa ku soo beegmaya maalmo kadib markii uu kasoo noqdey wadanka Ethiopia halkaasoo booqasho qaadatey muddo Toban cisho ah uu ugu maqnaa.

Talyaaniga ayaa mashaariic ka hirgaliyey Puntland kuwasoo isugu jira tageerada booliska, dhismaha garoonka diyaardaha Bosaso, TV-ga Puntland iyo mashaariic kale.

GAROWE ONLINE

Warar la xiriira

Wararkii ugu dambeeyey