​Puntland: 43 katirsan Al Shabaab oo dil toogasho lagu xukumay [Dhagayso]

Image

GAROWE- Maxkamadda ciidamada qalabka sida ee Puntland ayaa dil toogasho ah ku xukuntay 43 ruux oo katisan ururka Al Shabaab kuwaas oo lagu soo qabtay dagaallo ka dhacay gobollada Nugal iyo Mudug ee Puntland.

Xeer ilaaliyaha Maxkamadda ciidamada qalabka sida ee Puntland Cabdullaahi Xirsi Cilmi (Cali Barre), oo la hadlay BBC-da ayaa sheegay in 43-daasi qof qirteen dambiyada loo haystay islamarkaana maxkamadda ka hor caddeeyeen inay kamidyihiin ururka Al Shabaab.

Cali Barre, wuxuu tilmaamay in dadkaasi la xukumay qayb ka ahaayeen 97 qof oo dagaallo lagusoo qabtay, kadib markii ay kasoo dageen xeebaha Puntland horraaantii sannadkan wuxuuna inta hartay ku sifeeyay kuwo buuxin waayay da'da qaan-gaarnimada, isagoo sheegay inay u samayn doonaan dhaqan celin oo ay u qabteen culimaa'udiin.

Dadka la xukumay ayuu sheegay inay mari doonaan heerar kala duwan islamarkaana u furantahay racfaan isagoo sheegay inay go'aanka ugu dambeeyay ee toogashada isla leedahay dowladda Puntland, wuxuuna intaasi raaciyay inay u qabteen qareeno difaacayay.

Xabsiyada Puntland, waxaa ku jiray maxaabiis aad u badan oo loo haysto kiisas kala duwan, waxaana maxkamadayntan lagu soo beegay wax yar uun kadib markii madaxweynaha Puntland ku hanjabay inay tallaabo ka qaadi doonaan kooxda Al Shabaab isagoo ku goodiyay inay lanyn doonaan dhammaan maxaabiistooda ku jira xabsiyada haddii aysan joojin dilalka ay la beegsanayaan haldoorka Puntland.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM