Puntland oo amar dul dhigtay ciidamada ku sugan kontaroolada

Image

GAROWE, Puntland - Gobolada Puntland waxaa ka bilowday qaadista cashuuraha gaadiidka si dakhliga dalka kor loogu qaado Dawladduna u gudato waajibaadkeeda.

Wasiirka Wasaaradda Maaliyadda Dawladda Puntland ahna Gudoomiyaha guddiga dib-u-habaynta Ciidamada Mudane Xasan Shire Cabdi ayaa ka hadlay Cashuuraha gaadiidka.

Xasan Shire Cabdi Wasiirka Wasaaradda Maaliyadda ayaa u waramay Xafiiska Waciyigalinta iyo Warfaafinta Wasaaradda Maaliyadda Dawladda Puntland.

"Ilaahay ayaa mahadi u sug-naatay oo nasiiyay nabad galyada aynu haysano, marka aan u soo laabto waxaa bilowday ololihii cashuuraha gaadiidka Bulshada reer Puntland ee wanaagsan, waxaan u soo jeedinaynaa in aad bixisaan Cashuuraha idinku waa jibay lana shaqaysaan Ciidmada iyo shaqaalaha Dawladda".

Xasan Shire Cabdi Wasiirka Maaliyadda Dawladda Puntland oo sii hadlaya ayaa ku daray;

"Dawladda uu hoggaaminaayo Madaxwayne Dr Siciid Cabdulaahi Deni waxaa ka go'an in Puntland laga sameeyo hurumar ku aadan Ciidamada, Caafimaadka, Sugida Amniga, horumarinta Kaabayaal dhaqale iyo in shaqo abuur loo sameeyo Dhalinyarada intaasina waxa ay ku iman karaan garab istaaga Dawladda iyo Bixinta Cashuuraha Bulshada ku waa jibtay"

Xasan Shire Cabdi, Wasiirka Maaliyadda, ayaa amar dul dhigay ciidamada Dawladda ee ku sugan baraha kantarool ee dalka.

"Ciidamada ilaaladda Cashuuraha waxaan faraynaa in aan lasii dayn karin gaari aan cashuurnayn midna ogaada waanu la soconaa goob kasta dhaq dhaqaaqeeda," ayuu xusay.

Wasiir Xasan oo u muuqda mid kalsoonida badan qaba ayaa kusoo gabagabeeyay hadalkiisa: "Waxaana raynaynaa in aad guda taan waa jibaad ka shaqo ee laydiin igmaday".

GO + Wasaarada Maaliyadda Puntland

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM