Puntland oo eedeymo culus u jeedisay madaxda dowlada federaalka

Puntland
By WARIYAHA GAROWE , GAROWE ONLINE
Saciid Cabdullaahi Deni, madaxweynaha dowladda Puntland | Xuquuqda Sawirka: Madaxtooyadda

GAROWE, Puntland - War-saxaafadeed kasoo baxay Madaxtooyadda Puntland ayaa waxaa eedeymo cul-culus loogu jeediyay madaxda dowladda Soomaaliya.

Ugu horeyn, bayaanka ayaa lagu sheegay in Puntland ay ka welwelsan tahay hab-dhaqanka madaxda federaalka ee "curyaaminaya dowladnimo dalka ka hirgasha".

Warka qoraalka ah ayaa lagu xusay in hogaanka dalka uu "hareer-marey qaybsiga deeqaha caalamka, uuna u adeegsanayo burburinta maamul goboleedyadda".

"[Tani oo] dalka u keeneysa xasilooni darro, [waxay u gun-gaarayaan] dano-gaaban oo ku aadan doorashooyinka 2020-21," ayaa tiri madaxtooyadda Puntland.

Sidda ku xusan qoraalka, Puntland ayaa ugu baaqeysa madaxda dowlada federaalka in ay "si degdeg ah ku joojiyaan farogelinta doorashooyinka Jubbaland iyo Galmudug".

Ugu dambeyntii, warka ayaa lagu sheegay in Puntland ay bogaadineyso dadaalada ay bulshada maamuladaasi uga tashanayaa aayahooda kuna dooranayaan madaxdooda.

WAR-SAXAAFADEEDKA

GAROWE ONLINE

Wararkii ugu dambeeyey