Puntland: Qalbi Dhagax oo soo gaarey Boosaaso

Image

BOOSAASO, Puntland - Wafdi uu hogaaminayo Cabdikariim Sheekh Muuse [Qalbi Dhagax], ayaa maanta oo sabti soo gaarey magaalada ganacsi Puntland, ee Boosaaso halkaasi si diiran loogu soo dhaweeyay.

Qeybaha kala duwan ee bulshada Boosaaso ayaa Qalbi Dhagax kusoo dhaweeyay Garoonka diyaaradaha, waxaana lagu wadaa inuu kulamo la qaato mas'uuliyiin maamulka magaalada, odayaasha dhaqanka iyo shaqsiyaad kale, sida ay wararku sheegayaan.

Lama oga waxa ay salka ku hayso booqashada Qalbi Dhagax, oo ka yimid dhanka Somaliland, gaar ahaan magaalada Hargeysa oo maalmihii lasoo dhaafay uu ku sugnaa.

Wararka ayaa sheegaya in Qalbi Dhagax uu socdaal ku tagi gobolka Mudug, oo ah halkaasi laga soo qabtey sanadkii hore kahor inta aysan dowladda Federaalka u gacan gelin Itoobiya.

Dhiibistii Qalbi Dhagax ayaa dowladda uu hogaamiyo Farmaajo kala kulantay madax-xanuun siyaasadeed iyo cambaareyn culus, iyadoo lagu dhaliilay inay ku degdegtay in sarkaalkan katirsan ONLF ay u gacan geliso Xukuumadda Addis Ababa.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM