Puntland: Xubno katirsan Al Shabaab oo dil lagu xukumay

Image

GAROOWE, Puntland - Maxkamadda ciidamada Puntland ayaa maanta u fariisatay dhageysigii ugu dambeeyay ee dacwado lagu soo oogay eedaysanayaal lxabsiga ugu jiray inay Al Shabaab iyo Daacsish inay katirsan yihiin.

Dadkan maxkamad lasoo taagey maanta oo Arbaco ah oo dhamaantooda Rag ah ayaa lagu riday xukunno kala duwan.

Xassan Laamow Aadan, Yaasiin Cismaan Cabdi Saalax oo lagu soo eedeeyay inay katirsan yihiin Daacish iyo Xassan Maxamed Cali Ibraahim oo Al Shabaab ah, ayey maxkamadu ku xukuntey dil toogasho ah.

Sidoo kale, Xuseen Jaaylaani, Cabdi Cumar iyo Bishaar, kuwaasi oo lagu soo eedeeyay inay ka tirsan yihiin Al-Shabaab ayaa lagu xukumey Xabsi daa'in, sida ay ku dhawaaqdey maxkamadda.

Dhinaca kale, maxkamadda ayaa Shan sano oo xabsi ah iyo bixinta lacago magdhow ah ku xukuntey Laba Xidigle Maxamed Jaamac, oo ka tirsan Ciidanka Puntland, kaasi oo loo heysto dilka ruux shacab ah.

Hay'adaha xuquuqul Insaanka caalamka ayaa ku eedeeyay dowladda Federaalka iyo dowlad goboleedyada inay ridaan xukunno aan sharciga waafaqsaneyn iyo dilal toogasho oo lagu fuliyo dad ay caruur ku jiraan.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM