Qaramada Midoobay oo cuna-qabateyntii ka qaadey Sheekh Atam

Image

December 20, 2014 (GO)- Golaha Ammaanka ee Qaramada midoobay ayaa liiska cuna qabateynta ka saarey Sheekh Maxamed Siciid Atam oo isagu sanadkan horraantiisii shaaciyey inuu gebi ahaanba isaga baxay ururka Al-shabaab islamarkaana nabad qaatey.

Go'aanka Golaha Ammaanka waxaa soo dhoweysey Dowlada Federaalka Soomaaliya oo ku tilmaantay inuu yahay guul usoo hoyatey dhammaan inta nabada jecel.

Wasiirka Warfaafinta Mustaf Dhuxulow oo shir-jaraa'id maanta ku qabtay xafiiskiisa mgaalada Muqdisho ayaa sheegay in dowladu soo dhoweyneyso tallaabadan isagoo xusay in qorshaha Atam liiskaas looga saaray ahaa mid muddo dheer Dowlada Federaalku kasoo shaqeynaysey.

"Dowladda Federaalka Soomaaliya (DFS) waxey soo dhoweyneysaa go’aanka Golaha Ammaanka QM oo ay Sheikh Atom uga saareen liiska cunaqabatenta 1844. Dowladda ayaa la xaajootay QM iyo waddamada xubnaha ka ah Golaha Ammaanka ee QM si loogu guuleysto in muwaadin Soomaaliyeed oo ka baxay kooxaha argagaxisada isla markaasna nabadda qaatay in laga saaro liiska cunaqabateynta" Dhuxulow ayaa sidaas yiri.

Golaha Ammaanka Qaramada Midoobay ayaa horay cuna qabateyn dhanka dhaqaalaha iyo safarka ah ugu soo rogey qaar kamid ah saraakiisha sare ee kooxda Al-shabaab iyo weliba shaqsiyaad kale oo lagu soo eedeeyey inay kooxdaas gacan saar la leeyihiin.

Bishii June ee lasoo dhaafay ayey ahayd markii uu dowladda Federaalka isu dhiibey Sheekh Maxamed Siciid Atam oo isagu horay hogaamiye ugu ahaa xoogaga Al-shabaab ee fadhigoodu yahay buuraleyda Galgala.

Shir-saxaafadeed uu June 7, 2014 Muqdisho ku qabtey, wuxuu ka sheegay inuu nabad qaatay dowladana la shaqeyn doono hadda kadibna ka tirsaneyn Al-shabaab.

GAROWE ONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM