​Shacabka Garowe oo ka cabanaya Sicir-barar [Dhagayso]

Image

GAROWE, Puntland- Shacabka ku nool magaalada Garowe caasumadda Puntland, ayaa walaac xoog leh ka muujiyay kor u kac ku yimid sarrifka lacagaha qaalaad gaar ahaan Dollarka oo iminka $1 lagu sarifayo Shilin Somali dhan 28,000.

Arrintan oo muddooyinkii dambe ka taagnayd deegaanada Puntland, ayaa timid kadib markii xukuumadda uu hogaamiyo Madaxweyne Cabdiwali Gaas daabacday lacago Faalso ah oo lagu baahiyay suuqyada waaweyn.

Dadka danyarta ah ayaa saamaynta ugu badan gaartay, kadib markii uu qiimo dhacay Shilin Somaliga oo kor u kacay doollarka taasoo keentay in ganacsato dhankaas u janjeersadaan.

Qaar kamid dadka ku nool magaalada Garowe, oo la hadlay Radio Garowe  barnaamijkeeda Ra'yiga dadweynaha oo diiradda lagu saaray xaaladdan iyo doorka ay ku leedahay wasaaradda Maaliyadda, waxayna sheegeen  inaysan jirin cid wax ka qabatay xaaladdan iyadoo horay wasaaraddaas iyo maamulka gobolka u ballanqaadeen in halkii Dollar lagu sarrifi doono 24,000shs.

Dadka ayaa tilmaamay in sicir bararka ka jira magaalada Garowe ay mas'uul katahay dowladda iyagoo ku eedeeyay inay daabaceen lacago badan oo faalso ah.

Dadweynaha, ayaa sidoo kale tilmaamay in arrinta looga gudbi karo in la sameeyo bannaanbaxyo looga cabanayo sidii wax marxaladdan wax looga qaban lahaa islamarkaana loo hakin lahaa lacagaha faalsada ah ee dowladdu samaynayso.

Majirto ilaa hadda cid katirsan dowladda oo ka hadashay sicir bararka ka jira magaalada Garowe iyo guud ahaan deegaanada Puntland iyadoo sidoo kale abaar xooggan ka jiraan dalka, taasoo ay sii dheertahay mushahar la'aan lasoo daristay tan iyo markii uu xilka qabtay Madaxweyne Gaas shaqaalaha dowladda iyo ciidamada qalabka sida.

GAROWEONLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM