Xuquuqda beelaha la hayb sooco oo Garowe looga hadlay

Image
Image
Image
Image

December 10, 2014 (GO)- Kulan looga hadlayey u qareemista beelaha laga tirada badan yahay oo ay si wadajir ah usoo qaban qaabiyeen Wasaarada Haweenka Puntland iyo Hay'adda Cilmi Baarista Puntland PDRC ayaa maanta lagu qabtey isla xarunta PDRC ee Garowe.

Mas'uuliyiin ka tirsan dowladda oo Madaxweynaha, Gudoomiyaha Barlamaanka, Wasiiro iyo xildhibaano kamid yihiin ayaa kulankaas kasoo qayb galay, waxaa sidoo kale kulanka lagu casumey xubno ka socdey qaybaha kala duwan ee bulshada sida: isimada, culimaa'uddiinka, ururada haweenka iyo dhallinyarada.

Madaxewne Cabdiweli Maxamed Cali Gaas oo ugu horeyn goobta ka hadlay ayaa sheegay inay muhiim tahay in laga gudbo dhaqanka ku saleysan hayb sooca oo sida uu tilmaamay anshaxa suuban iyo diintaba aan munaasib ku ahayn.

''waxani waa dhaqan xun diinna maahan , waa dhaqan liita kana soo horjeeda bini'aadamnimada , waa dhaqan aan wax garowshiiyo ah lahayn inaba ha le'eg kaatee waana dhaqan xad gudub ku ah karaamada qofka bini'aadamka ah''Ayuu yiri Madaxweyne Gaas.

Madaxweynaha Puntland ayaa dhanka kale ugu baaqay hay'adaha caalamiga ah iyo kuwa maxalliga ah ee ka shaqeeya xuquuqul insaanka inay il gaar ah ku hayaan sidii loo dabargoyn lahaa dhaqanka hayb sooca, dadka la hayb soocana xuquuqdooda u heli lahaayeen.

Agaasime ku xigeenka Hay'adda PDRC Cali Faarax oo isna goobta ka hadlay ayaa soo dhoweeyey kulankan oo sida uu tilmaamay muhiim isagoo ku baaqay in kulamada caynkan oo kale ah lasii dardar geliyo.

GAROWE OLINE

Related Articles

Booliska Puntland oo lagala hadlay ka hortaaga xaalufinta deegaanka

Isku xirnaanta Wasaaradda Degaanka iyo Isbedelka Cimilada iyo Hogaanka Booliska ayaa sidoo kale looga hadlay shirkan.

  • Puntland

    27-03-2024

  • 04:28AM

Qardho: Mashruuc horseeday jarista dhir baaxad leh oo laga digay

Wasaaradda deegaanka iyo Isbedelka Cimiladda ee Puntland ayaa ku baaqdey in degdeg loo joojiyo jarista dhirtan.

  • Puntland

    26-03-2024

  • 01:41PM