Adeegga Internet-ka qeybo kamid ah Soomaaliya oo dib usoo noqday

MUQDISHO, Soomaaliya - Muqdisho iyo gobollada Koonfurta Soomaaliya waxay dib u heleen adeeggii Internet-ka ee ka maqnaa mudo afar maalmood ah, kadib markii ciladdii ku timid xarigga Fiber optic ee badda gunteeda mara la xaliyo.

Shirkadda Hormuud, oo Internet-ka bixisa ayaa qoraal ay soo saartey caawa ku shaacisay inuu soo laabtey adeegga, iyadoo dhanka kale raaligelin ka siisay dadka isticmaala ee macaamiisha ah ciladda dhacday.

Waaa markii labaad oo sanadkan ay dhacdo cilad noocan ah, iyadoo midii hore iyo tan cusuba ay kusoo aadeen xili dalka ay ka jiraan xaaladdo siyaasadeed, sida xilka qaadistii Khayre iyo magacaabista Xukuumadda Rooble.

GAROWE ONLINE