Al-shabaab oo toogatey dad basaasnimo lagu soo eedeeyey

Image

May 26, 2015 (GO)- Al-shabaab ayaa degmda Diinsoor ee gobolka Bay ku toogatey afar nin oo basaasnimo lagu soo eedeeyey.

Toogashada ayaa ka dhacdey goob fagaare ah, waxaana kasoo qayb galay boqollaal dadweyne ah iyo qaar kamid ah saraakiisha Al-shabaab.

Dadka la toogtey oo qaarkood lagu soo eedeeyey inay basaas u ahaayeen dowladda Kenya, wxaa lagu kala magacaabi jirey:

Cali Muuse Cali (26 jir), Xasan Cadaawe Maxamed (24 jir), Cukaash Cali Xaaji (39 jir) iyo Maxamed Nuur Cali Sooyaal oo (40 jir) ahaa.

Qaadiga maxkamadda Al-shabaab ee xukunka riddey ayaa sheegay in raggaas dambiga lagu soo eedeeyey ku caddaaday, qaar kamid ahina maxkamadda horteeda ka qirteen, sidaas darteedna lagu xukumey dil toogasho ah.

Al-shabaab ayaa laga soo bilaabo sanadkii hore ee 2014 toogatey ku dhowaad soddon qof oo isugu jirey qaar lagu soo eedeeyey basaasnimo iyo qaar kale oo lagu soo eedeeyey inay gogol dhaaf sameeyeen.

GAROWE ONLINE

Related Articles

Ururo ka dhisan Marooko oo ku baaqay in la sii daayo muwaadiniin ay Puntland dil ku xukuntay

6-qof oo u dhashay dalka Marooko ayaa laga soo qabtay deegaanada ay ku sugan yihiin Daacish.

  • Soomaliya

    28-03-2024

  • 07:28AM

Shanta ajande uu Xasan Sheekh doonayo in baarlamaanka u ansixiyo

Labo kamid ah qodobadan ayaa la sheegay in madaxweynaha uusan gorgortan ka geli doonin.

  • Soomaliya

    28-03-2024

  • 06:43AM