Ciidanka Soomaaliya oo "fashiliyey" weerar ay Al-Shabaab maleegaysay

Image

MUQDISHO, Soomaaliya - Ciidanka si gaarka ah u tababaran ee Soomaaliya ayaa maanta oo Jimce ah ayaa shaaciyey in ay ka hortageen "weeraro argagixiso" oo Al-Shabaab maleegaysay.

Qoraal kasoo baxay kumaandooska Danab ee Mareykanku tababaro ayaa lagu sheegay in 30 kamid ahaa ururka gacansaarka la leh Al-Qaacida ay ku khaarijiyeen howlgal qorsheysan.

Sidda laga soo xigtay warka qoraalka ah, gulufka ayaa ka dhacay degaanka Beelow Eylo oo ka tirsan gobolka Shabeellaha Hoose. Dhanka kale, ma jiro jawaab illaa iyo hadda kasoo baxay Al-Shabaab.

Hoos ka akhriso qoraalka

Danab oo dishay in ka badan 30 Shabaab ah oo qaraxyo ku diyaarineysay Shabeellada Hoose.

Guutada 16aad ee kumaandooska CXD ayaa hawgal balaaran oo ay kasameysay deegaanka Baloow Eylo ee gobalka Shabeellada Hoose waxa ay ku dishay in ka badan sodon Shabaab ah oo qaraxyo ku diyaarinayay gaadiid ay doonayeen in ay ku dhibaateeyaan shacabka Soomaaliyeed.

Taliyaha guudata 16aad, Gaashaanle Ismaaciil Cabdimaalik Maalin ayaa caddeeyay in sidoo kale duqeyn lagu gubay gaadiidkii argagaxisadu ay doonayeen inay ku halaagaan shacabka Soomaaliyeed.

Howlgalkaan lagu naafeeyay cadawga ummadda Soomaaliyeed ayaa qeyb ka ah howl-gallo ay ciidanka kumaandoostu ku baacsanayeen haraadiga kooxaha calooshood u shaqeestayaasha, naf la caariga ah ee ka macaasha daadinta dhiigga dadka Soomaaliyeed.

Maalma ka hor ayaa guudata 16aad waxa ay argagaxisada kala wareegtay todoba tuulo oo ka tirsan Shabeellada Hoose, iyada oo Taliye Ismaaciil uu ballan qaaday inay sii wacayaan howl-gallada inta laga soo afjarayo jiritaanka Kooxda Shabaab.


GAROWE ONLINE

Related Articles

Guddoomiye isku day dil kaga badbaadey Muqdisho

Qaraxa miino oo wadada loo dhigay ayaa la sheegay in ay la kacdey kolanyo uu la socday mas'uulkan iyo saraakiil kale oo wehlisay.

  • Soomaliya

    28-02-2021

  • 09:19AM

Taliye ciidan oo qarax miino lagula eegtay Muqdisho

Weerarkan ayaa imaanaya xilli ay jireen digniino ku saabsan suurtagalnimada qaraxyo ka dhici kara caasimada Muqdisho.

  • Soomaliya

    28-02-2021

  • 05:55AM