Dacwad lagu soo oogay sii-haayaha Wasiirka Maaliyada Soomaaliya

Image

MUQDISHO, Soomaaliya - Dacwad heer Maamul ayaa lagu soo oogay Wasiirka Maaliyadda Xukuumaddii la riday C/raxmaan Ducaalle Beyle, waxaana kiiskiisa loo gudbin doonaa Maxkamadda sare ee dalka.

Ururka Qareenadda Soomaaliyeed ayaa sheegay in Beyle uu soo saarey warqad aan sharci ahayn 20-kii bishan, taasoo uu ku shaaciyay in lacag laga qaadi doonaa qareen walba iyo dadka ay u doodayaan, ee dacwadda ka furanaya Maxkamadaha.

Abukaate Cali Xalane, oo afhayeen u ah Ururka Qareenadda ayaa ku tilmaamay nidaamka ajuuradda Maxkamadaha ee uu soo saarey Beyle uusan sharci ahayn, maadama laga rabey inay soo saarto Wasaaradda Garsoor, lana marsiiyo Gollaha Wasiiradda iyo Baarlamanka.

Afhayeenka ayaa xusay inay Dacwad maamul ay ka gudbinayaan sii haya Wasiirka Maaliyadda iyo warqadda uu soo saarey, isagoo hoosta ka xariiqay in qorshahan uu yahay mid albaabada u furayo musuq-maasuq inuu ka dhaco qeybta Garsoorka dalka.

Qareennada waxaa lagu soo rogay inay sameystaan aqoonsi ama ruqsad, iyagoo bixinaya $500, waxaana lagu cusbooneysiinayaa sanad walba $300, waxaa intaasi dheer in dacwadda Madaniga ah qofkii furanaya laga rabo $200.

HALKAN HOOSE KA AKHRI WARQADDA BEYLE:

GAROWE ONLINE

Related Articles

Al-Shabaab oo Ku Guuleystay Dib U Qabsashada Deegaanka Tardo ee Gobolka Hiiraan

Kooxda Al-Shabaab ayaa muddooyinkii u dambeeyay si isdaba joog ah u wadaysay olole dagaal oo ay ku doonayaan.

  • Soomaliya

    14-07-2025

  • 07:53AM

Maxaa sababay in Uganda ku baaqdo in Ciidamada Midowga Afrika ka baxaan Soomaaliya?

Gen. Muhoozi wuxuu sheegay in uu maqlay in Maraykanku uu si qarsoodi ah wadahadallo ula galay Al-Shabaab.

  • Soomaliya

    14-07-2025

  • 07:27AM